Bilanci i rindërtimit, mbi 11 mijë familje ende pa shtëpi, vonesa me procedurat

11490 familje që humbën shtëpitë e tyre si pasojë e tërmetit të 26 nëntorit jetojnë ende sot me qira në rastin më të mirë, te familjarët e tyre apo në rastin më të keq në çadra në qiell të hapur. 9 muaj pas tërmetit të 26 nëntorit, qeveria ende nuk ka gjetur zgjidhje, pavarësisht premtimit për të sistemuar brenda harkut kohor të 1 viti rreth 80% të familjeve që humbën banesat e tyre. Bilanci i shifrave zyrtare tregon se vetëm një familje në Farkë të Madhe ka marrë çelësat e një banesë të rindërtuar. Pjesa tjetër janë ose në proces hartimi të projekteve, tenderimit të tyre, në proces disbursimi të fondeve ose në disa raste, punimet sapo kanë nisur.