Bota post-pandemisë, si do të duket ”normaliteti i ri” e çfarë do të humbasim

Miliona njerëz rreth Europës, u janë rikthyer asaj që i ngjan jetës së tyre të mëparshme, ndërsa shumë shtete kanë zbutur kufizimet që vunë nën zinxhirë, një botë të tërë. Mes sinjaleve shpresëdhënëse se armiku që uli në gjunjë njerëzimin, po e humb fuqinë e tij, vëmendja është zhvendosur nga shifrat e pamëshirshme tek rihapja e jetës sociale dhe ekonomike.
Rrugëtimi në tunelin e gjatë e të erret, po mbërrin drejt fundit, por ajo që të gjithë pyesin është: çfarë na pret në fund të këtij rrugëtimi? A do të gjejmë atje botën që njohim, po ne a do të jemi më si më parë?
Udhëheqësit po e përgatisin njerëzimin për ‘’Normaliteti i ri’’, ku pashmangshmërisht do të rifitojmë shumë prej lirive, por do të duhet të heqim dorë nga të tjera. Dhe jo të gjithë e pëlqejnë pamjen e këtij normaliteti të gjymtuar.