Nëse shpesh pyesim se përse mësuesit e rinj të fizikës, matematikës apo kimisë nuk janë si ata të dikurshmit, përgjigjen e marrin këtu, në fakultetin e shkencave të natyrës. Dikur kjo shkollë e lartë ishte më e preferuara dhe nga nxënësit më të mirë. Ndërsa sot këto degë po prekin fundin. Këtë vit akademik janë regjistruar vetëm 7 studentë në degën e Fizikës, 14 në matematikë dhe 6 për kimi. Asnjëri prej tyre nuk e ka preferencë të parë.