Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Bujqësia dhe fasonët në vendnumëro, përfaqësues të sektorëve: U goditën nga pandemia, mungoi mbështetja

Nga A2 CNN
23 Nëntor 2021, 16:37 | Ekonomi
Bujqësia dhe fasonët në vendnumëro, përfaqësues

Ekonomia shqiptare po rigjallërohet, por ringritja nuk po përfshin të gjithë sektorët. Bujqësia dhe fasonët janë dy prej tyre. 

Sipas të dhënave nga Instituti i Statistikave eksportet e ushqimeve, pijeve dhe duhanit gjatë tetorit arritën në vlerën e 4.17 miliard lekëve, vlerë kjo më e ulët se ajo në të njëjtin muaj të vitit 2020.

Sektori i dytë i goditur nga pandemia e që nuk po arrin të rimarrë veten është ai fason. Sipas INSTAT, gjatë muajit të shkuar eksportet e tekstileve dhe këpucëve arritën vlerën e 9.85 mld lekë, shifër kjo më e ulët se ajo e shënuar në tetorin e vitit të shkuar.

Në përgjithësi, eksportet e mallrave shqiptare kanë pësuar rritje gjatë muajit tetor duke arritur vlerën e 34 miliardë lekëve, 36.3 për qind më shumë se e njëjta periudhë e një viti më parë dhe 2.5 për qind më tepër se shtatori i këtij viti.

Marrë në rrafshin e 10 muajve, produktet shqiptare të eksportuara arritën vlerën e rreth më shumës e 300 miliardë lekëve, duke u rritur me mbi 35 për qind krahasuar me të njëjtën periudhë të vitit të shkuar.

A2 CNN Livestream

Debat - nga Alba Alishani