Vitin e ardhshëm, bashkitë do të kenë më shumë para’ në dispozicion. Sipas përllogaritjeve në projektbuxhetin 2023, 61 njësive të pushtetit vendor do t’u shpërndahet një fond prej 31 miliardë lekësh, 4.1 miliardë lekë apo 35 milionë euro më tepër se këtë vit. Bashkitë e mëdha janë edhe ato që marrin më shumë para’. Tirana do të ketë në menaxhim 4.3 miliardë lekë, Durrësi 1.7, Elbasani 1.3, Shkodra 1.2 dhe Fieri 1.1 miliardë lekë.