Sondazh: Si ka ndryshuar figura e babait në familje ndër vite?
  • Më i pranishëm me fëmijët 14%
  • Më i zënë në punë 71%
  • Ndihmon në shtëpi 14%

Çështja “Shullazi”, të pandehurit rebelohen në sallë, kërkojnë vetting për gjyqtaren

Nga A2 CNN
23 Maj 2019, 19:12 | Kronikë
Çështja “Shullazi”, të pandehurit rebelohen në

Apeli për Krime të Rënda nuk ka mundur të zhvillojë një seancë normale ndaj Emiliano Shullazit dhe grupit të tij.

I pandehuri Gilmando Dani kërkoi nga gjyqtarja e çështjes, Saida Dollani, sqarimin para mediave se kush e ka kërcënuar atë dhe bashkëshortin e saj.

Debati verbal mes tyre përfundoi me vendimin e gjykatës: 30 mijë lekë gjobë dhe përjashtimin nga seanca të të pandehurit Dani në seancat e ardhshme, vendim i cili solli dhe irritimin e të pandehurve të tjerë.

Nga të akuzuar, ata janë kthyer në akuzues, duke aluduar se lajmi për kërcënim është një justifikim i gjyqtares për të kaluar procesin e vettingut.

I pandehuri Endrit Qyqja : “Ti do të kalosh Vettingun mbi kurrizin tonë, por që s’do e lejojmë këtë gjë”.

Pas largimit të të pandehurve, avokatët e tyre kanë vijuar debatet e ashpra me kryesuesen e seancës për mosnjoftimin e palëve në proces. Sipas tyre, njoftimi i personave që janë viktimë në këtë proces, nuk është bërë me qëllim. Deri më tani janë bërë 8 kërkesa për përjashtim të drejtueses së Gjykatës së Apelit për Krime të Rënda, Saida Dollanit, për çështjen “Shullazi”.

A2 CNN Livestream

Debat - nga Alba Alishani