Sondazh: Si ka ndryshuar figura e babait në familje ndër vite?
  • Më i pranishëm me fëmijët 31%
  • Më i zënë në punë 38%
  • Ndihmon në shtëpi 31%

“Çfarë lidhje ka Turqia moderne me Skënderbeun?”, Rama komenton reagimet për vizitën e Erdoganit

Nga A2 CNN
18 Janar 2022, 15:00 | Politikë
“Çfarë lidhje ka Turqia moderne me Skënderbeun?”,

Kryeministri Edi Rama, me anë të një postimi të gjatë në Facebook, ka folur mbi reagimet që ka pasur në vendin tonë vizita e Presidentit të Turqisë, Rexhep Taip Erdogan.

“Dje, duke komentuar vizitën e presidentit të Republikës së Turqisë, disa miq këtu nuk u kursyen në sharje e në mallkime, në emër të Skënderbeut! Rastësia e desh që vizita e djeshme të përkonte me ditën e vdekjes së Heroit tonë Kombëtar, çka e mësuan me këtë rast plot prej atyre që rendin t'i fryjnë zjarrit të patriotizmit digjital apo opozicional, i cili ndizet sa herë unë takohem me "pushtuesin" nga Ankaraja”, shkruan kreu i qeverisë.

https://a2news.com/2022/01/18/vizita-e-erdoganit-nuk-duhej-te-koincidonte-me-ate-te-ministres-gjermane/

“Po çfarë lidhje ka me rrethimet e Krujës dhe me qëndresën e Gjergj Kastriotit, Republika e Turqisë, e cila fill pas formimit të saj ka firmosur me Shqipërinë, 100 vjet më parë, në vitin e largët 1923, "Marrëveshjen e Miqësisë së Përjetshme"? Ku lidhet Turqia moderne, anëtare e NATO-s, mike e sprovuar në më shumë se një rast e Shqipërisë dhe shqiptarëve, e si ngatërrohen me shigjetat e rrethimtarëve të Krujës, vaksinat e ardhura në Shqipëri nga ky shtet mik, falë kujdesit të veçantë të mikut tim, Presidentit Erdoğan, në kohën kur i tërë Ballkani mbeti si peshku pa ujë, brenda rrethimit mbytës të Armikut të Padukshëm? Si mund të lidhen me luftën e pesë e kusur shekujve më parë, punëtorët e palodhur turq dhe Presidenti i Republikës së Turqisë, të cilët vitin e fundit ndërtuan një lagje të re me 522 shtëpi për familjet e prekura nga tërmeti apo një spital të ri ultramodern për njerëzit e këtij vendi”, shton Rama.

https://a2news.com/2022/01/17/erdogan-na-lendon-qe-organizata-terroriste-e-gulen-gjen-akoma-vend-ne-nje-vend-mik-e-vella-si-shqiperia/

A2 CNN Livestream

Dita jonë