Ndër të tjerë në Absolut 4, ministri i Turizmit, Blendi Klosi, u pyet edhe për vështirësitë dhe problemet që pritet të ketë turizmi shqiptar në prag të sezonit të ri.
Ai evidentoi se numri i forcës punëtore në këtë sektor mund të kthehet në një problem gjatë sezonit.
“Për mua, problemi kryesor do të jetë cilësia e shërbimit. A do t’ia dalë hoteleria shqiptarë të ruajë standardet e 2019-ës? A do të kemi forcë punëtore për të shërbyer? Natyrisht edhe ndarja e hapësirave të plazheve do të jetë po ashtu një problematikë e caktuar, e cila në mungesë të garancisë për të patur numra do të krijojë probleme”, tha Klosi.