Covid-19 në botë, rriten vdekjet në Australi, rekord rastesh në SHBA e Brazil

Australia regjistron ditën më numrin më të lartë të vdekjeve nga koronavirusi, mes shpërthimit të një vale të dytë të infektimeve nga Covid-19 në Melburn. Shteti Viktoria, kryeqytet I të cilit është Melburni, raportoi 19 humbje jetësh ditën e hënë. Viktoria numëron 2/3-at e totalit prej 314 vdekjesh dhe 21 400 rasteve me Covid-19. Ndërkaq, Shtetet e Bashkuara dhe Brazili arrijnë shifra të frikshme, duke raportuar respektivisht më shumë se 5 milionë dhe 3 milionë raste me koronavirusit. Me shqetësim po ndiqet rritja e rasteve edhe në Europë, me Britaninë e Madhe që raportoi mbi 1 mijë infektime të reja, për herë të parë që prej muajit qershor.