De Niro për CNN: Trump, një ëndërr e keqe – A2

De Niro për CNN: Trump, një ëndërr e keqe

Një tjetër episod në përleshjen De Niro-Trump. Aktori hollivudian Robert De Niro, iu rikthye sulmeve kundër kreut të shtëpisë së bardhë pas batutës së nëntorit të kaluar, kur tha se nuk do ta donte kurrë presidentin në ndonjë tavolinë të restoranteve të tij.
Në një intervistë për Hala Goranin e CNN ai u shpreh: ‘Ai është një njujorkez të cilin nuk do të doja ta takoja kurrë, ndërsa tani është president. Arsyeja pse nuk dua ta takoj është sepse është ai që të gjithë e njohim tashmë, thjesht i turpshëm. Por ne do ta kapërcejmë edhe këtë. Do të bëhet si një nga ato makthet që i kthen shpesh në mendje”.
Aktori shtoi se jetonte për të parë se kur do të përfundonte kjo “ëndërr e keqe”.
De Niro interpreton në Saturday Night Live, prokurorin e posaçëm Rober Muller, i cili po drejton hetimet kundër ndërhyrjes së mundshme të Rusisë në zgjedhjet presidenciale të 2016-tës.

Shkarkoni aplikacionin e A2