Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Defender Europe 2023, aleanca atlantike stërvitet në Shqipëri

Nga A2 CNN
22 Maj 2023, 15:48 | Aktualitet
Defender Europe 2023, aleanca atlantike stërvitet në Shqipëri

Nga ceremonia e nisjes së stërvitjes ushtarake “Defender Europe 2023”, Presidenti Bajram Begaj tha se Shqipëria është e përkushtuar për të qenë faktor stabilizues në Ballkan dhe eksportuese e sigurisë në rajon e më gjerë.

Kreu i Shtetit kërkoi më shumë mbështetje të qeverisë për Forcat e Armatosura. “Në pozitën time si Komandant i Përgjithshëm inkurajoj qeverinë të shtojë akoma më shumë mbështetjen për Forcat e Armatosura dhe kontributin e Shqipërisë në NATO. Kur të rishihemi përsëri pas dy vitesh për Defender Europe 2025, uroj vetëm që situata globale e sigurisë të jetë më e qetë, sepse nuk kam pikë dyshimi, që Shqipëria do vazhdojë gjithnjë të mbrojë vlerat e paqes dhe unitetit, duke qëndruar gjithnjë krah-për-krah Shteteve të Bashkuara dhe aleatëve të tjerë të NATO-s”, tha Begaj.

Për kryeministrin Edi Rama, kjo stërvitje ushtarake që zhvillohet në vendin tonë tregon edhe njëherë se Shqipëria është në nivelet më të larta të respektit ndërkombëtar. “Me aeroportin e Kuçovës, i cili së shpejti do të jetë në funksionim si bazë e re operacionale e NATO-s dhe shpresojmë shumë që edhe me Portin, që do të ketë një komponent për të bërë të njëjtën gjë si aeroporti, duke funksionuar si një tjetër bazë operacionale e NATO-s, por këtë herë për forcat detare, ne mundtë themi me plot gojën se një faqe e re historisë tonë po shkruhet dhe në këtë faqe jemi jo vetëm konsumatorë, por edhe kontributorë në këtë aleancë të madhe për të garantuar sigurinë e popujve tanë”, tha Rama.

Ambasadorja amerikane Yuri Kim vlerësoi bashkëpunimin mes Shqipërisë dhe SHBA-së. Këto arritje, tregojnë ritmin e rritur të marrëdhënieve tona ushtarake. Partneritetet ndërkombëtare më të rëndësishme se kurrë. “Defender Europe 2023” tregon gatishmërinë ushtarake të aleatëve të NATO-s. Ky do të na tregojë se së bashku me aleatët tonë, ne mundtë kryejmë çdo mision”, tha Kim.

Ndërsa për shefin e Shtabit të Përgjithshëm të Forcave të Armatosura, Arben Kingji, kjo stërvitje ushtarake është një mesazh për kundërshtarët dhe tregon se aleanca është e përgatitur në çdo kohë. “Defender Europe” zhvillohet për herë të dytë në Shqipëri. Në këtë stërvitje të 20vendeve të NATO-s, marrin pjesë 7,000 anëtarë të ushtrisë së SHBA dhe 17000 të tjerë të vendeve të tjera të aleancës. Kjo stërvitje ka nisur në 22 Prill dhe përfundon në 23 Qershor.

https://a2news.com/2023/05/22/defender-europe-2023-shikoni-armatimet-e-renda-te-ekspozuara-ne-sheshin-nene-tereza/
https://a2news.com/2023/05/22/rama-shqiperia-po-respektohet-nga-nderkombetaret-me-shume-se-cdo-here-tjeter/

A2 CNN Livestream

Ditari nga Denisa Pasholli