Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

Dhuna në familje, 14 denoncime çdo ditë në polici, nga janari u regjistruan 763 raste

Nga A2 CNN
9 Mars 2023, 22:21 | Sociale

Nga viti 2019 e deri më sot në Shqipëri janë regjistruar në total 20,589 raste të dhunës në familje ndërsa mesatarja e çdo viti tregon se në Shqipëri raportohen 14 raste në ditë të dhunës në familje. Ngjarjet e rënda dhe dhuna që çon në vrasje kanë ngritur dhe një herë shqetësimin e urdhrave të mbrojtjes e problemeve në aplikimin e tyre.

Vetëm përgjatë periudhës 1 janar–28 shkurt të këtij viti në policinë e shtetit janë konstatuar 736 raste të dhunës në familje. Sipas të dhënave statistikore 417 raste kanë marrë urdhrin e menjëhershëm të mbrojtjes ndërsa në 25 prej tyre këto urdhra janë shkelur.

Sipas juristëve, problematike mbetet dhe procesi gjyqësor kur paraqiten dokumente të cilat lehtësojnë pozitën e dhunuesit.

Të dhënat statistikore tregojnë se nisur nga dendësia e popullsisë, qarku me numrin më të madh të denoncimeve është ai i Tiranës, i ndjekur nga ai i Durrësit, i Fierit dhe i Vlorës. Të dëmtuar nga dhuna dhe krimet e tjera në marrëdhëniet familjare në total për vitin 2022 janë 5225 persona, prej tyre 3767 janë gra/vajza ndërsa 266 të dhunuar janë të mitur.  

https://a2news.com/2022/11/30/dhuna-ne-familje-dyfishohen-referimet-ne-prokurorine-e-durresit/

A2 CNN Livestream

Dita jonë