Dita e fitores, kur miliona evropianë festuan paqen

VE-Day, apo dita e fitores në Evropë, shënon fundin e luftimeve kundër Gjermanisë naziste në kontinentin e vjetër dhe momentin vendimtar për mbylljen e një prej kapitujve më të errët në historinë e njerëzimit, Luftës së Dytë Botëror. Mesazhi i shumëpritur i paqes erdhi nga atëherë kryeministri Winston Churchill, i cili njoftoi se lufta në Evropë kishte mbërritur në fund, pas dorëzimit të Gjermanisë naziste, një ditë më herët.