Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Donacione për Kosovën, OBSH: Vaksinat e para mbërrijnë në qershor të vitit 2021

Nga A2 CNN
27 Gusht 2020, 16:56 | Kosova
Donacione për Kosovën, OBSH: Vaksinat e para mbërrijnë

Kosova raportoi sërish shifra të larta në pandeminë koronavirus. Në 24 orët e fundit humbën jetën 6 pacientë, ndërsa u diagnostikuan 141 raste të reja. Në total numri i të prekurve shkoi në rreth 13 mijë dhe bilanci i viktimave në 498.

Për të përballuar këtë emergjencë shëndetësore dhe ndonjë përkeqësim të mundshme, Organizata Botërore e Shëndetësisë i bëri Kosovës një donacion në pajisje oksigjeni për trajtimin e pacientëve. Gjithashtu premtoi se dozat e para të vaksinës kundër Covid-19 do të mbërrijnë deri në qershor të vitit të ardhshëm.

“Prognoza më optimiste është që vaksinat e para do të vijnë në Kosovë në qershor të vitit të ardhshëm, kështu që deri atëherë ne duhet të mbrohemi”, tha Sergy Koryak, përfaqësues i OBSH.

Ndërsa zyrtarja e Kombeve të Bashkuara, Ulrika Richardson ftoi qytetarët e Kosovës të respektojnë masat mbrojtëse.

“Mënyra më efektive për të luftuar virusin është në bartjen e maskës, mbajtjen e distancës dhe larjen e duarve. Kjo është ajo që të gjithë mund ta bëjnë dhe duhet ta bëjnë”, u shpreh Ulrika Richardson.

Një koment falenderues pati dhe ministri i Shëndetësisë i Kosovës, Armend Zemaj, i cili tha se këto donacione po ndihmojnë në luftën kundër pandemisë së koronavirusit. 

A2 CNN Livestream

Debat - nga Alba Alishani