Dorëhiqet Valdrin Pjetri: Fatet e qytetit nuk mund të jenë të lidhura me ato të një individi

Valdrin Pjetri nuk do të betohet si kryetar i Bashkisë së Shkodrës. Përmes një postimi në Facebook, ai bëri të ditur se heq dorë nga marrja e detyrës.

“I ndërgjegjshëm për rëndësinë e imazhit politik dhe i vendosur që këtë sqarim ligjor ta ndërmarr në pozitat e qytetarit të thjeshtë, pa iu bërë barrë askujt, vendos të dorëhiqem nga marrja e detyrës së Kryetarit të Bashkisë Shkodër. Ju jam mirënjohës të gjithëve për ndihmën dhe mbështetjen që më dhatë në fushatë! Ishte një ëndërr e bukur t’i jepnim Shkodrës atë çka meriton. Por fatet e një qyteti nuk duhen të jenë kurrë të lidhura pashmangshmërisht me fatet e një individi, cilido qoftë ai”, shkruan Pjetri në rrjetet sociale.

Shkarkoni aplikacionin e A2