Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

EULEX bastis zyrat e Veteranëve të Luftës së UÇK

Nga A2 CNN
25 Shtator 2020, 12:12 | Kosova

Pas arrestimit të një prej drejtuesve të luftës së UÇK, një ditë më parë, nga Gjykata Speciale, trupat e EULEX kanë bastisur, mëngjesin e sotëm, zyrat e Organizatës së Veteranëve të Luftës.

Forca të shumta të EULEX, të armatosur, janë parë në zyrat e OVL, por ende nuk dihen arsyet e këtij operacioni. Nuk raportohet për asnjë person të arrestuar deri në këto momente. Aksioni është monitoruar dhe nga forcat e KFOR dhe Policisë së Kosovës.

https://www.youtube.com/watch?v=1CIG-k_25dY

Sekretari i OVL, Faton Klinaku, ka reaguar menjëherë për situatën e krijuar duke deklaruar se EULEX është duke u sjellë si ushtarët e ish-Jugosllavisë.

“Isha duke qëndruar në zyrë kur pashë forca të shumta të Eulex. Nuk e di nëse kanë leje nga shteti i Kosovës për të bërë këtë operacion, por EULEX po sillet si në kohën e ish-Jugosllavisë”, tha Klinaku.

Ditët e fundit është raportuar se në këto zyra kanë qarkulluar dosje të Gjykatës Speciale.

A2 CNN Livestream

Dita jonë