Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

Euractiv publikon planin franko-gjerman, ka respektim kufijsh, por jo njohje reciproke

Nga A2 CNN
9 Nëntor 2022, 16:12 | Kosova
Euractiv publikon planin franko-gjerman, ka respektim kufijsh, por jo njohje

Propozimi franko-gjerman më në fund doli nga sirtari. Media e njohur me seli në Bruksel, Euractiv, ka publikuar një dokument me 9 pika të planit të supozuar që përmbyll dialogun mes Kosovës dhe Serbisë me një marrëveshje finale.

Në propozimin e siguruar përmes burimeve të besueshme, siç pretendon ky rrjet mediatik i specializuar në politikat e BE-së, nuk përmendet askund njohja reciproke, por kufijtë, raportet e mira, dhe misionet diplomatike deri në njëfarë niveli përcaktohen qartë.

Në përputhje me MSA-në (Marrëveshjet e Stabilizim Asociimit) të nënshkruara nga të dyja palët, Kosova dhe Serbia do të zgjidhin çdo mosmarrëveshje ndërmjet asaj kohe ekskluzivisht me mjete paqësore dhe do të përmbahen nga kërcënimi ose përdorimi i forcës. Ata riafirmojnë paprekshmërinë tani dhe në të ardhmen të kufirit që ekziston mes tyre dhe marrin përsipër të respektojnë plotësisht integritetin territorial të njëri-tjetrit.

Pika 3 e propozimit franko-gjerman, sipas Euractiv
https://a2news.com/2022/11/09/be-ja-vlereson-se-gjykimi-i-kushtetueses-nuk-e-pengon-asociacionin/

Dy pika të tjera konfirmojnë pavarësinë e secilës palë, edhe pse jo në mënyrë jo të drejtpërdrejtë.

Ndër pikat që vlerësohen të rëndësishme është ajo që udhëzon Kosovën dhe Serbinë të shkëmbejnë Misionet e Përhershme diplomatike, që do të vendosen në selinë e qeverive përkatëse.

Kosova dhe Serbia vazhdojnë me supozimin se asnjëra nga dy palët nuk mund të përfaqësojë tjetrën në sferën ndërkombëtare dhe as të veprojë në emër të saj.

Pika 4 e propozimit franko-gjerman, sipas Euractiv

Propozimi franko-gjerman për dialogun Kosovë-Serbi sipas Euractiv

PIKA 1: Kosova dhe Serbia do të zhvillojnë marrëdhënie normale, të fqinjësisë së mirë me njëra-tjetrën bazuar në të drejta të barabarta.

PIKA 2: Kosova dhe Serbia do të udhëhiqen nga aspiratat e tyre reciproke për anëtarësim në BE.

PIKA 3: Në përputhje me MSA-në [Marrëveshjet e Stabilizim Asociimit] të nënshkruara nga të dyja palët, Kosova dhe Serbia do të zgjidhin çdo mosmarrëveshje ndërmjet asaj kohe ekskluzivisht me mjete paqësore dhe do të përmbahen nga kërcënimi ose përdorimi i forcës. Ata riafirmojnë paprekshmërinë tani dhe në të ardhmen të kufirit që ekziston mes tyre dhe marrin përsipër të respektojnë plotësisht integritetin territorial të njëri-tjetrit.

PIKA 4: Kosova dhe Serbia vazhdojnë me supozimin se asnjëra nga dy palët nuk mund të përfaqësojë tjetrën në sferën ndërkombëtare dhe as të veprojë në emër të saj.

PIKA 5: Kosova dhe Serbia do të promovojnë marrëdhënie paqësore në Ballkanin Perëndimor dhe do të kontribuojnë në sigurinë dhe bashkëpunimin rajonal në Evropë.

PIKA 6: Kosova dhe Serbia vazhdojnë me respektimin reciprok të juridiksionit të secilës palë.

PIKA 7: Kosova dhe Serbia deklarojnë gatishmërinë e tyre për të rregulluar çështjet praktike dhe humanitare në procesin e normalizimit të marrëdhënieve të tyre. Ata do të lidhin marrëveshje me synimin për të zhvilluar dhe promovuar në bazë të këtij Traktati dhe për përfitimin e tyre të ndërsjellë bashkëpunimin në fushën e ekonomisë, shkencës dhe teknologjisë, transportit, marrëdhënieve gjyqësore, postave dhe telekomunikacionit, shëndetësisë, kulturës, sportit, mjedisit, mbrojtjes dhe në fusha të tjera. Detajet janë rënë dakord në Protokollin Suplementar.

PIKA 8: Kosova dhe Serbia do të shkëmbejnë Misionet e Përhershme. Ato do të vendosen në selinë e Qeverisë përkatëse. Çështjet praktike në lidhje me themelimin e Misioneve do të trajtohen veçmas.

PIKA 9: Kosova dhe Serbia pajtohen që ky Traktat nuk do të ndikojë në traktatet dhe marrëveshjet ndërkombëtare dypalëshe dhe shumëpalëshe të lidhura tashmë prej tyre ose që kanë të bëjnë me to.

A2 CNN Livestream

Ditari nga Denisa Pasholli