Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Euro dhe normat e interesit, Sejko: Leku po forcohet, politika monetare mund të shtrëngohet më tej

Nga A2 CNN
31 Maj 2023, 15:48 | Ekonomi
Euro dhe normat e interesit, Sejko: Leku po forcohet, politika monetare mund

Euro do të zhvlerësohet më tej, sipas parashikimeve të Bankës së Shqipërisë. Në një kohë kur valuta europiane po shkëmbehet për më pak se 109.7 lekë, turizmi mund ta çojë kursin e këmbimit drejt raportit 1 me 100 lekë. 

 “Po të kemi parasysh që pritshmëritë për sezonin turistik janë ndjeshëm më të larta se vjet, që sigurisht kjo është një gjë e mirë për ekonominë, atëherë leku do të vijojë të forcohet. Kjo do të zhvlerësojë rrjedhimisht më tej euron”, deklaroi guvernatori Sejko.

Në Komisionin për Ekonominë dhe Financat, Guvernatori Gent Sejko tregoi edhe arsyet se pse Banka e Shqipërisë nuk mund të ndërhyjë te kursi i këmbimit.

“Po në qoftë se unë do të rregulloj një pjesë i bie të prish 10 të tjera dhe nuk e bëjmë dot. Sikur të ndodhte do të dilnin pjesë të tjera dhe do të ankoheshin. Nuk mund ta bëjmë”.

Gjatë raportimit të raportit vjetor të Bankës së Shqipërisë, Sejko dha edhe parashikime mbi ecurinë e normave të interesit për lekun.

“Mund të kemi 1 ose dy rritje të tjera të normës bazë të interesit këtë vit. Nuk dua të keq-orientoj publikun pasi kjo do të varet nga ecuria e inflacionit dhe kjo e fundit nuk është në dorën tonë”.

Teksa e vlerësoi rritjen e pagave në administratë si pozitive dhe në raport me ecurinë ekonomike, Guvernatori Sejko sugjeroi edhe përfshirjen e pjesës tjetër të popullatës në reformë.

A2 CNN Livestream

Debat - nga Alba Alishani