Frika nga gripi “i shpendëve”, ISUV: Nuk ka rrezik nga konsumimi i mishit dhe vezëve

Konsumimi i mishit dhe vezëve të shpendëve nuk përbën rrezik për shëndetin. Megjithatë, Instituti i Sigurisë Ushqimore dhe Veterinarisë këshillon që gatimi i tyre të kryhet në temperatura të larta për të shmangur të gjitha rrisqet. Edhe në rast konsumimi të mishit nga shpendë të infektuar, rreziku i infektimit është i ulët.
Shefja e Shërbimit në ISUV, Jonida Boci shpjegon se kujdes i shtuar duhet treguar në kontaktet me shpendët e infektuar.”
“Nuk infektohen njerëzit që konsumojnë mishin por fermerët që punojnë ose therin shpendët, sepse merret me vijë ajrore”, shpjegon ajo.
Për fermerët, si kategoria më e rrezikuar, Boci tregon se si duhet të sillen nëse dyshojnë për infektim të shpendëve të tyre.
Aktualisht situata e krijuar nga gripi i shpendëve paraqitet e qetë dhe nën kontroll. Autoritetet konfirmojnë se nuk ka raste të reja, pas konfirmimit të tre vatrave 2 ditë më parë.