Pavarësisht ndërhyrjeve të herëpashershme në sektorin e Ujësjellës - Kanalizimeve, situata në vend paraqitet problematike. Sipas raportit të fundit të Entit Rregullator të Ujit, furnizimi me ujë të pijshëm është përkeqësuar.
Këtë e konfirmojnë edhe qytetarët, pasi sipas tyre furnizimi me ujë bëhet 3 deri në 4,5 orë në ditë. Ndërkaq, krahas kufizimit të orareve, mjaft shqetësuese sipas tyre është edhe cilësia e ujit të pijshëm.
Sipas të dhënave të Entit Rregullator të Ujit, kohëzgjatja e furnizimit me ujë të pijshëm u përkeqësua gjatë vitit 2018, gjë e cila sipas tij ka ardhur për shkak të riorganizimit të shoqërive të Ujësjellës - Kanalizimeve.