Futbolli nuk rinis, Liga Profesioniste ultimatum qeverisë: Plotësoni kërkesat!

Realizimi i katër kërkesave për hartimin e një ligji favorizues për sportin. Ky është ultimatumi i vendosur nga presidentët e klubeve elitare në vend, që në mbledhjen urgjente të Ligës Profesioniste vendosën të mos heqin dorë nga bojkoti i kampionatit.

“Presidentët e klubeve të Kategorisë Superiore vendosën në unanimitet të plotë, që nuk do të rikthehen më në fushat e blerta, nuk do ta rinisin kampionatin, deri në përmbushjen e plotë që i kemi parashtruar qeverisë. Janë kërkesa minimaliste, që janë plotësuar në çdo vend të rajonit dhe të botës. Kërkojmë diçka që e kanë të gjithë”, u shpreh në fund të takimit presidenti i Apollonisë, Koço Kokëdhima.