Qeveria ka miratuar linjën e dytë të garancisë shtetërore për bizneset që duan të marrin kredi në banka.
Vendimi i Këshillit të Ministrave liron shumën prej afërsisht 150 milionë dollarësh, 1 muaj pas shpalljes së paketës së zgjeruar.
Ndryshe nga linja e parë e kredisë, që garantonte deri në 3 paga për punonjësit e kompanive në vështirësi; kjo kredi me garanci sovrane do t’iu mundësojë bizneseve të kërkojnë hua për likuiditet apo për të kryer investime që mbështesin rimëkëmbjen e tyre nga situata e Covid-19.
Në të njëjtën mbledhje, qeveria vendosi kalimin e Drejtorisë së Arkivave në administrim të Agjencisë së Kadastrave dhe krijimin e Agjencisë Shtetërore për Shpronësimin, e cila synon të menaxhojë çështjet e shpronësimit kryesisht për investimet në infrastrukturë.