Gjetjet e vëzhguesve zgjedhorë, SHKD: Presion ndaj administratës së bashkive

Presionet ndaj administratës për të marrë pjesë në aktivitete elektorale ishin pjesë e gjetjeve të Shoqatës për Kulturë Demokratike, që ka monitoruar bashkitë Elbasanit, Kavajës, Kukësit dhe Kuçovës, nga janari në maj të këtij viti.
“Në këtë periudhë raportimi, ka patur raste ku punonjësve i është kërkuar të marrin pjesë në aktivitet elektorale. Janë raportuar raste detyrimi në Bashkitë e Kavajës, Kukësit dhe Elbasanit për pjesëmarrje në takime elektorale ose partiake”, tha Gerta Meta, drejtoresha e SHKD-së.
Gerta Meta, kërkoi nga autoritetet të ndëshkohen ata që ushtrojnë të tilla presione.
Shoqata për Kulturë Demokratike sugjeroi gjithashtu që Task Forca e ngritur për të monitoruar sjelljen e administratës – që nisi punë në maj – të fillojë vëzhgimin e saj disa muaj më herët.

Shkarkoni aplikacionin e A2 CNN