Gjykimi i “Babales”, telefonata e policisë dështon seancën

Rruga e shkurtër e zgjedhur nga Policia Gjyqësore për të lajmëruar me telefon ish-deputetin e PD-së Ervin Salianji për gjyqin ndaj tij në Gjykatën e Tiranës, zgjati me të paktën dy jave procesin.
Seanca gjyqësore e së enjtes për dosjen “Babalja” u shty për të dytën herë radhazi, për shkak të mos njoftimit në mënyrën e kërkuar nga ligji të ish-deputetit të pandehur dhe po ashtu gazetarit Jetmir Olldashi.
Kryesuesi theksoi se Policia Gjyqësore duhet të sillte në gjykatë fletë-njoftimin të firmosur nga të pandehurit.
Ish-deputeti Salianji dhe të bashkëpandehurit e tij Fredi Alizoti, Albert Veliu dhe Jetmir Olldashi akuzohen për “kallëzim të rremë”. Sipas prokurorisë ata kanë inskenuar audio-përgjimin “Babalja”, më qëllim denigrimin e figurës së ish-ministrit të Brendshëm, Fatmir Xhafaj.

Shkarkoni aplikacionin e A2 CNN