Pas ndërkombëtarëve, edhe institucionet zyrtare në Shqipëri japin parashikimet e tyre për ecurinë e ekonomisë shqiptare gjatë vitit 2020. Sipas Bankës së Shqipërisë, si pasojë e krizës së Covid-19, vendi këtë vit do të pësojë një recesion prej 6%. Për Guvernatorin Gent Sejko, ndikimi negativ do të jetë më i lartë, nëse do të ketë një rimbyllje të ekonomisë si pasojë e një vale të dytë infektimesh.