Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

“Gripi i syve”, situatë epidemike nga plazhi e pishinat, këshillohet higjienë

Nga A2 CNN
9 Korrik 2019, 16:08 | Sociale

Nëse virozat zakonisht i kalojmë në dimër, këtë verë një virus i veçantë është në qarkullim. Njihet si gripi i syrit dhe në Tiranë po merr përmasat e një epidemie.

Të rritur e fëmijë paraqiten çdo ditë në qendrat shëndetësore të sëmurë nga virusi i syve. Mjekët tregojnë se gripi është i formës agresive dhe shenjat fillojnë dy javë pas prekjes nga virusi.

“Konjunktiviti adenoviral, i cili shkaktohet nga një virus që prek sytë, këtë vit ka një agresivitet shumë të shprehur”, thotë mjekja okuliste Nora Burda.

Gripi i syrit  është ngjitës përmes kontakteve me duart dhe nga sendet e ndryshme.

“Me anë të ajrit, me anë të duarve, nga këllëfi ku flihet gjumë, prandaj duhet bërë shumë kujdes”, vijon Burda.  

Okulistja Nora Burda

Por ai që e ka shkaktuar epideminë këtë periudhë është plazhi. Mjekët bëjnë apel që të sëmurët mos të shkojnë në pishina dhe as në det, pasi infeksioni kalon përmes ujit.

“Personat e infektuar mund të futen në det dhe të tjerët mund ta marrin inflamacionin përmes ujit. Ata duhet të lajnë duart sa herë që prekin sytë, se pastaj edhe trajtimi është i vështirë”, thotë mjekja.

Gripi nis me sy të fryrë,  të skuqur, me lotim dhe vështirësi në shikim deri në mbyllje të syrit. Mjekët thonë se çdo neglizhencë në mjekim shkakton komplikacione të rënda deri humbje të shikimit. 

A2 CNN Livestream

Ditari nga Denisa Pasholli