Kreu i Partisë Republikane, Fatmir Mediu ishte i ftuar në Ditarin e mesditës në A2 CNN ku foli në lidhje me ligjin për hapjen e dosjeve, dhe dakordësisë që është arritur mes socialistëve dhe demokratëve që mbështesin Alibeajn për këtë çështje. Mediu shprehet se është dakord që të hapen dosjet për politikanët, por kjo gjë nuk mund të shtrihet dhe te të përndjekurit. Sipas tij, shumë persona që u përndoqën nga regjimi komunist u detyruar në jepnin deklarata të rreme për të shpëtuar pjesën tjetër të familjes.