Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

Harta e re gjyqësore, avokatë dhe gjyqtarë, kundër projektit të KLGJ

Nga A2 CNN
14 Janar 2022, 16:27 | Aktualitet
Harta e re gjyqësore, avokatë dhe gjyqtarë, kundër projektit

Komuniteti i avokatëve dhe i gjyqtareve duket se janë kundër hartës së re gjyqësore që ka propozuar KLGJ, e cila parashikon vetëm një gjykatë Apeli në Tiranë.

Ky fakt u konstatua edhe në takimin konsultues që përfaqësues të KLGJ dhe ministres së drejtësisë patën me avokatë, gjyqtarë dhe prokurorë në qytetin e Vlorës. Gjatë diskutimeve avokatët e cilësuan hartën e re gjyqësore jo funksionale, që largon qytetarin nga drejtësia dhe që sjell kosto të larta sociale dhe ekonomike.

Kundër hartës së re gjyqësore sa i takon reduktimit vetëm në një gjykatë Apeli ishte dhe gjyqtari i Apelit në Vlorë, Sokol Ngresi.

Avokatët shpresojnë që opinionet e tyre të merren parasysh në mënyrë që të mos shkatërrohet më tej sistemi gjyqësor siç është shkatërruar dhe katandisur me vetingun, që sipas tyre po bëhet nga njerëz që nuk e kanë kaluar vetë më parë atë.

A2 CNN Livestream

Dita jonë