Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

“I premë biletën”... PD në protestë, Berisha shpall Ramën armik: Fillon marshimi i lirisë

Nga A2 CNN
7 Korrik 2022, 23:09 | Politikë

Nisi si një koncert, ndonëse mesazhet ishin të forta. Në podiumin protestës kombëtare të thirrur nga Sali Berisha para kryeministrisë u ngjitën20 persona, por truma e tregoi shumë mirë se për kë kishte ardhur.

Me flamurin kombëtar në dorë, Sali Berisha i udrejtua protestuesve për të dhënë mesazhe të qarta që shënonin një thyerje nga opozitarizmi i 8 viteve të shkuara, e duke përcaktuar tonin e lidershipit të tij, ndryshe nga ai i paraardhësit të cilit nuk ia përmendi asnjëherë emrin.

“Në emër tuajin, do t’i them Edi Ramës këto fjalë: Edi Rama, ne të dy sot jemi armiq. E rëndë dhe hidhur të them këtë fjalë, por zemra ime fjalë tjetër nuk nxjerr sepse ti Edi Rama ke për ideal pushtetin, kurse unë me këta burra dhe gra, djem dhe vajza kemi për ideal lirinë”, tha ai.

https://a2news.com/2022/07/07/protesta-e-opozites-ne-foto-4/

Edi Rama, për Sali Berishën është në pushtet me vota të vjedhura për të cilën bëri edhe zotimin se nuk do ta njoh një kryeministër të tillë. “Edi Rama, jemi sot këtu për tu betuar për këtë flamur, se votën kurrë nuk ta falim, pushtetin mbi votën e vjedhur kurrë nuk ta njohim”.

Përveç akuzave politike përsëriti ato për korrupsion. 7 korrikun e cilësoi si vetëm fillimin e misionit të tij. “Të bëj thirrje, boll volle, ik! Për të gjitha këto, ne do t’i presim atij biletën dhe ky është vetëm fillimi I marshit tonë të lirisë”.

Një mesazh e pati edhe për rrugëtimin europian të Shqipërisë ku kërkoi hapjen e negociatave sa më parë, por për Berishën, qeveria nuk e do këtë pasi sipas tij rruga e Ramës për në Bruksel kalon nga Beogradi nëpërmjet Ballkanit të Hapur. “Nuk ka interesat shqiptare, por të parat ka interesat e Beogradit. Atëherë nuk mund të rrimë pa i thënë: Edi Rama, populli opozitar shqiptar patriot kudo ku janë, do t’i thonë jo Ballkanit të Hapur, po procesit të Berlinit”.

Mes folësve në podium ishte edhe kryetarja e LSI-së Monika Kryemadhi si aleatja kryesore e PD. “Sot në këtë takim të jashtëzakonshëm, në këtë miting madhështor ne sot më shumë se kurrë japim mesazhin e fortë që i vetmi flamur partie është flamuri ynë shqiptar. Miq, sot më shumë se kurrë ky bulevard po i jep dhe një herë shpresën Shqipërisë dhe shqiptarëve. Sot më shumë se kurrë detyra e opozitës është që të mos zhgënjejë shqiptarët siç i zhgënjyen një vit më parë”.

https://a2news.com/2022/07/07/kryemadhi-i-vetmi-flamur-partie-eshte-flamuri-yne-kombetar/

Për më shumë se tre orë Sali Berisha mbushi Bulevardin Dëshmorët e Kombit duke i dhënë një përgjigje kujt beson se nuk ka hapësirë për rikthimin e tij në politikë. Mes pjesëmarrësve në protestë ishin edhe shumë deputetë demokratë që deri tani nuk e kishin mbështetur, si Jorida Tabaku, Dhurata Çupi, Saimir Korreshi, Bledjon Nallbati, Kastriot Pirroli, Grida Duma, Dashnor Sula, Fatjon Veizaj e Alfred Rushaj.

A2 CNN Livestream

Dita jonë