Sondazh: Destinacionet e fundjavave tuaja janë:
  • Bregdeti 67%
  • Zonat malore 17%
  • Qendrat historike 17%

Integrimi i Shqipërisë në BE, Varhelyi: Pas apelimit të zgjedhjeve, Kuvendi të nisë punën

Nga A2 CNN
5 Maj 2021, 10:22 | Politikë
Integrimi i Shqipërisë në BE, Varhelyi: Pas apelimit të

Gjatë vizitës në Shqipëri, ku solli dhe një sasi vaksinash Pfizer kundër koronavirusit, Komisioneri për Zgjerim, Oliver Varhelyi komentoi zgjedhjet parlamentare të 25 prillit dhe kontestimet e opozitës.

Sipas komisionerit të BE-së, procesi zgjedhor tashmë ka hyrë në fazën e ankimimit dhe tashmë duhen rezultate të qarta sa më shpejt për të mundësuar çuarjen para të procesit të integrimit.

https://youtu.be/gfT4t4vloDI

“Ne kemi një ambasador të mirë në Shqipëri. E ndjek të gjithë punën e tij dhe jemi në kontakt. Sa i përket rezultatit të zgjedhjeve, e kam ndjekur me vëmendje gjithçka. Gjëja që na nevojitet janë rezultatet e qarta përfundimtare. Duam të shohim të gjitha parregullsitë qoftë dhe blerjen e mundshme të votave. Pas rezultateve do të na duhet që Kuvendi të fillojë nga puna shumë shpejt për reformat e BE-së. Pa kuvendin e plotë nuk mund të ecet përpara drejt BE-së. Nëse do të mbahet konferenca e parë ndërqeveritare, puna duhet të përshpejtohet jo vetëm nga qeveria, por dhe nga Kuvendi. Po presim procesin e apelimit dhe shpresoj që Shqipëria të ecë përpara”, tha komisioneri për Zgjerim.

https://twitter.com/OliverVarhelyi/status/1389873846967312387

A2 CNN Livestream

Debat - nga Alba Alishani