Kategoria Superiore, Vllaznia-Tirana ndezin motorët për derbin e Shqipërisë

Java e 21-të e Kategorisë Superiore rikthen derbin e Shqipërisë. Në “Loro Boriçi”, Vllaznia pret Tiranën, në tentativën për të mos humbur kontaktin me garën për një vend në kupat e Europës.

“Është një ndeshje shumë e rëndësishme për skuadrën. Luajmë një ndeshje si ajo në Ballsh, përballjet kanë të njëjtën peshë, si ajo me Bylisin, ashtu edhe me Tiranën. Pikët janë shumë të rëndësishme për ne, por kjo fitore ka vlerën e gjashtë pikëve. Nëse arrijmë të fitojmë përballë Tiranës, Vllaznia nuk do të ketë probleme për vazhdimësinë”, deklaroi trajneri Mirsad Jonuz.