Kombëtarja Shpresa, Alban Bushi: Synojmë vendin e tretë në kualifikuese

Trajneri Alban Bushi publikoi listën me 22 futbollistë për ndeshjet kualifikuese, në trasfertë me Austrinë, më 4 shtator dhe me Andorrën më 8 shtator.

Në skuadër janë gjashtë sulmues, mes të cilëve Giacomo Vrioni, i cili debutoi me Juventus në fund të sezonit të kaluar, por mungon Armando Broja, talenti i Chelsea i huazuar te Vitesse në elitën e futbollit holandez, ku shkëlqeu me dy gola në debutim në miqësore.