Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Koronavirusi, Kina censuron qytetarët dhe mediat

Nga A2 CNN
9 Shkurt 2020, 13:10 | Bota
Koronavirusi, Kina censuron qytetarët dhe mediat

Situata është tepër alarmante në Kinë për shkak të koronavirusit. Zemërimi mbarëpopullor ndaj qeverisë sa vjen e rritet dhe kjo lidhet kryesisht me censurimin e fjalës së lirë dhe ndërgjegjësimit publik.

Fillimisht, ishte rasti i doktorit Li Wenliang, i cili ishte i pari që paralajmëroi për pasojat vdekjeprurëse të virusit, por që u dëtyrua ta mbante gojën mbyllur nga autoritetet. 34-vjeçari ndërroi jetë pak ditë më parë duke shtuar zemërimin e qytetarëve në Kinë.

Ndërsa Chen Qiushi, një gazetar që ka raportuar me kritika të forta nga Wuhani, qyteti epiqendër i shpërndarjes së koronavirusit, u shpall i zhdukur të enjten. Ky zhvillim mobilizoi qindra mijëra qytetarë të Kinës të kërkonin të drejtën e fjalës me fushata sensibilizimi në internet.

https://a2news.com/2020/02/09/koronavirusi-kalon-sars-in-arrin-ne-813-numri-i-vktimave-ne-kine/

“Ne nuk mund të përballojmë një Li Wenliang të dytë”, shkruan një person.

Thirrja e tij u dëgjua menjëherë nga qeveria e Kinës, që censuroi dhe hashtagun për këtë problem. Familjarët dhe miqtë e Chen zbuluan se policia e detyroi atë të qëndronte në karantinë.

Mijëra qytetarë kërkuan lirimin e tij duke përdorur rrjetin social Weibo, ndërsa shpresojnë që ai të ketë marrë një trajtim të kujdesshëm dhe të drejtë, pa dhunë psikologjike apo fizike. 

A2 CNN Livestream

Dita jonë