Koronavirusi në Itali, Conte: S’ka masa të reja, respektoni ato në fuqi

Përkeqësimi i bilancit të viktimave dhe të infektuarve me koronavirus, nxiti italianët që të kërkojnë masa sigurie dhe më të ashpra. Shqetësimeve të tyre iu përgjigj vetë kryeministri, Giuseppe Conte. “Për të parë rezultatet e vendimeve të qeverisë në luftën kundër koronavirusit duhet të presim disa javë”, u shpreh kreu i ekzekutivit, duke shtuar se nuk do të ketë masa të reja sigurie dhe bëri thirrje që të respektohen ato që janë në fuqi. Conte lëshoi dhe një apel të ri: ushtrimet sportive lejohen, por ndalohet vrapimi në grupe.