Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Kosova shton sanksionet kundër Rusisë, Serbia heziton: Do të rezistojmë sa të mundemi, por po dëmtohemi

Nga A2 CNN
16 Maj 2022, 16:45 | Kosova
Kosova shton sanksionet kundër Rusisë, Serbia heziton: Do të

Kosova shton sanksionet kundër Rusisë dhe Bjellorusisë, në përputhje me masat ndëshkimore të Shteteve të Bashkuara dhe Bashkimi Europian lidhur me luftën e paprovokuar në Ukrainë.  

Zëvendësministri i Punëve të Jashtme dhe Diasporës në Kosovë, Kreshnik Ahmeti, tha gjatë mbledhjes së qeverisë se Kosova është rreshtuar krah politikave të SHBA-së dhe BE-së për sanksionet. Në paketën e re të masave përfshihen ngrirje të aseteve të individëve të sanksionuar në terretorin e Kosovës, ndalim të operimit në tregun financiar kosovar, ndalim-udhëtimi, si dhe bllokim të qasjes në fonde për të sanksionuarit.

Masat kufizuese prekin edhe grupin Wagner, entitet ushtarak me bazë në Rusi, mercenarët e të cilit dyshohen për abuzime në Mali, Libi dhe Siri.

Kosova dhe vende të tjera të Ballkanit Perëndimor, përveç Serbisë, kanë përkrahur sanksionet e Perëndimit kundër Rusisë. Presidenti serb Aleksandër Vuçiç tha se vendi i tij do të luftojë për aq kohë sa mundet që të ruajë politikën për të mos i vendosur sanksione Rusisë, por theksoi se dëmi që po përjeton si rezultat i këtij qëndrimi është i madh.

Ai përsëriti se Serbia e di “se sa të padrejta janë sanksionet”, por shtoi se “populli duhet ta kuptojë se shteti po humb shumë për shkak të mosvendosjes së masave ndëshkimore ndaj Rusisë”.

A2 CNN Livestream

Dita jonë