Kriza e likuiditetit, refuzimi i kredisë shtyu biznesin të shiste asetet

Donika Mici është një nga sipërmarrëset e para në industrinë e veshjeve dhe këpucëve në vend, e cila që prej vitit 1992, eksporton mallrat “Made in Albania” në tregjet europiane dhe botërore. Ashtu si shumë biznese të tjera, e gjetur përballë një krize likuiditeti në fillim të krizës, vendosi të aplikojë për një kredi, që të përshtaste teknologjinë dhe të rriste eksportet. Por një përgjigje negative vendosi fatin e kompanisë së saj, duke e detyruar të largojë punëtorët, për të cilët kishte investuar prej vitesh.