Ktheu ligjin për vetting-un në polici, rrëzohet dekreti i Presidentit

Dekreti i Presidentit Ilir Meta që kthente për rishqyrtim ligjin e ndryshuar për vetting-un në polici është rrëzuar në Komisionin e Sigurisë, duke marrë vetëm tre vota pro.

Gjatë diskutimit në komision, ministri Lleshaj hodhi poshtë pretendimet e Metës se Ministria e Brendshme cenonte pavarësinë e policisë. “Pretendimet e Presidentit janë përtej çdo absurdi”, tha Lleshaj. “Sipas tij, mos përcaktimi i kohës kur mbaron, vendos nën presionin e qeverisë policë të çdo niveli. Shumë mirë që vendosen në presion. Ata që nuk kanë mizë nën kësule, nuk kanë pse shqetësohen”.

Ndërsa Pjerin Ndreu, relator i çështjes në komision tha se argumentet e Presidentit ishin paragjykim. “I pari paragjykohet ministri, që sipas Presidentit po kryen një punë antiligjore përmes Shërbimit për Çështjet e Brendshme dhe Ankesat”.

Shkarkoni aplikacionin e A2