Ish ministrja Mirela Kumbaro e ftuar në A2 CNN për të komentuar ngjarjet e fundit të politikës në vend, cilësoi deklaratën e Presidentit Ilir Meta për një shtyrje të mundshme të zgjedhjeve si diçka që “e la pa frymë” dhe që është “antikushtetuese, sepse Kushtetuta e përcakton qartësisht afatin e mandateve”.
Ish ministrja e Kulturës dëshiron të ndajë konceptin e vullnetit politik nga kushtetutshmëria, duke nënvizuar se “Kushtetuta nuk është as e presidentit, as e kryeministrit”.
Ajo dakordësoi me presidentin vetëm në pjesën e thirrjes për dialog, që ajo thotë se “fjala dialog ka qenë e pranishme në partinë socialiste qysh nga djegia e mandateve”, dhe shtoi se i vjen mirë që “edhe kreu i PD po flet tani për dialog, e rëndësishme që e futi në fjalor”.