Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

“Ky është një Çernobil kinez!”

Nga A2 CNN
23 Mars 2020, 21:24 | Aktualitet
“Ky është një Çernobil kinez!”

Pëllumb Aliaj, mjek kardiolog me banim në Shtetet e Bashkuara të Amerikës, deklaroi se sot po jetojmë këtë situatë për shkak të një përgjigje të vonuar të Kinës.

“Kina ia mbylli gojën doktorit që e zbuloi virusin në javët e para të nëntorit. Për gati një muaj e mbajti fshehur, derisa shpërtheu në Wuhan. Asgjë nuk do të ndodhte nëse Kina do të kishte vepruar me përgjegjësi. Unë e quaj Çernobili kinez. Bota po pëson skandalin e Kinës. E gjithë situata erdhi nga përgjigjja e vonuar e Kinës”, u shpreh Aliaj.

Sipas tij, “ajo që e bën të veçantë këtë virus është fuqia e transmetimit, 2-3 herë më e madhe sesa e viruseve të tjerë”.

“Ka edhe një vdekshmëri të lartë, edhe pse jo sa ajo e Ebolës, që ishte gati 60%. E veçanta tjetër është se ai transmetohet edhe pa patur fare sindroma”, theksoi mjeku kardiolog.

A2 CNN Livestream

Dita jonë