Louise Glück shpallet fituesja e Çmimit Nobel për Letërsinë

Poete e pedagoge me një sërë çmimesh në Shtetet e Bashkuara të Amerikës, Louise Glück është nga sot fituese edhe e Çmimit Nobel për Letërsinë. Akademia suedeze e ka vlerësuar shkrimtaren amerikane, për zërin e pagabueshëm poetik që me bukurinë e thjeshtë e bën ekzistencën individuale universale.

Glück ka fituar në vitin 1993 Çmimin Pulitzer dhe që prej 2003 ka qenë kandidatja e Shteteve të Bashkuara të Amerikës në Akademinë Suedeze. Lexuesi shqiptar nuk ka mundur ta njohë me një botim të plotë, por ka përkthime sporadike të poezive të saj, të botuara në revista letrare dhe antologji poetike.