Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

Lundrimi në Koman, kontrasti mes bukurive natyrore e mbeturinave që pluskojnë

Nga A2 CNN
7 Qershor 2023, 13:06 | Sociale
Lundrimi në Koman, kontrasti mes bukurive natyrore e mbeturinave që

Karaibe në Alpet Shqiptare mund të cilësohen këto pamje, teksa lundron në liqenin e Komanit me destinacion pikën turistike lumi i Shalës. Bukuri natyrore, që magjepsin çdokënd që i shikon për herë të parë, por edhe për ato që rikthehen për ta shijuar sërish.

Turistët pavarësisht motit të paqëndrueshëm, kanë nisur të vizitojnë këtë vend dhe këtë fakt e konfirmojnë vetë restorantet, bujtinat dhe njësitë e shërbimit.

“Situata është shumë mirë ka një muaj që ka nisur sezoni. Shumica janë gjermanë, polakë zviceranë”.

“Biznese janë hapur më shumë se vitet e tjera. Është hapur që më 15 prill. Shpresojmë të kemi turistë më shumë se vitet e tjera”.

Deklarata të bizneseve të zonës

Por fatkeqësisht, vendi ku turistët duhet të hipin në varka për të nisur lundrimin në një prej parajsave të natyrës shqiptare nuk lë vend për koment.

“Në mënyrë vullnetare i pastrojmë. Mbetjet vijnë nga Kukësi e Tropoja dhe bashkohen këtu. Ky problem është që prej 20 vjetësh. Vijnë grupe vullnetarësh që i pastrojnë. Punojmë me varka me turistë dhe prandaj i pastrojmë”.

Biznes i zonës

Kontrasti i fortë mes pamjeve magjepsëse dhe mbeturinave që pluskojnë kudo natyrisht që lënë një shije aspak të mirë, ndërsa situata që thuajse përsëritet vit pas viti, është një kambanë alarmi përpara se ky vend të braktiset ende pa u eksploruar mirë.

A2 CNN Livestream

Dita jonë