Marrëveshja për reformën zgjedhore, grupi demokrat kundërshton dokumentin

Rudina Hajdari nuk e kishte hedhur firmën një ditë më parë në dokumentin para të cilit u ul bashkë me Damian Gjiknurin dhe dy përfaqësuesit e opozitës jashtë Parlamentit, Oerd Bylykbashkin e PD dhe Petrit Vasilin e LSI.

Kjo për shkak se ajo nuk ishte dakordësuar më parë me deputetët e tjerë të opozitës parlamentare, me të cilët u takua këtë të mërkurë. Ata vendosën ta mbështesin praninë e Hajdarit në përbërjen e këshillit të ngritur të martën, por kanë kërkuar që të përfshihet në të edhe puna që është bërë në vitin 2019 nga Komisioni i Posaçëm i Reformës Zgjedhore, pasi anashkalimi i saj do të sillte nxjerrjen jashtë loje të propozimeve të tyre, si ndryshimi i sistemit zgjedhor.