Mbyllen përkohësisht shkollat, qytetarët i mbështesin kufizimet e reja në Kosovë

Hyjnë në fuqi kufizimet e reja për luftimin e pandemisë në Kosovë. Nga sot, kufizimi i lëvizjes do të jetë nga ora 22:00 deri në 05:00, mësimi është pezulluar në të gjitha institucionet arsimore, deri më 26 shtator, për të hyrë në biblioteka, objekte të fakulteteve, konvikte dhe qendra tregtare nevojitet certifikata e vaksinimit ose një test negativ.
Qytetarët i konsiderojnë të domosdoshme këto masa të reja për të frenuar përhapjen e Covid-19, teksa situata në Kosovë është mjaft e rënduar.
“Populli duhet të jetë i disiplinuar dhe maskat duhet mbajtur patjetër dhe duhet përmbajtur këshillave të mjekëve, pasi në këtë mënyrë mund të zvogëlojmë praninë e variantit delta. Gastronomia duhet të vazhdojë. Disiplina është numër një. Kur pinë alkool nëpër kafene, përqafohen dorë për dore”, thotë Ekrem Vuciterna, një qytetar nga Kosova.
Shaqir Foniqi, një tjetër qytetar, apelon “që popullata të vaksinohet në masë, sepse tashmë është vërtetuar që i vetmi mjet që mund t’ia ndalë hovin kësaj pandemie është vaksina”
Këto masa do të shqyrtohen më 26 shtator nga autoritetet shëndetësore, që do të vendosin lidhur me ashpërsimin apo lehtësimin e tyre, në bazë të situatës epidemiologjike.

  • LAJMI I FUNDIT | Koronavirusi në Shqipëri, mblidhet Komiteti Teknik i Ekspertëve
  • LAJMI I FUNDIT | Fico: Dy javët e fundit situata ka pësuar ndryshime të ndjeshme
  • LAJMI I FUNDIT | Fico: Totali i rasteve aktive mbi 12700, 458 për 100 mijë banorë
  • LAJMI I FUNDIT | Fico: Numri i humbjeve të jetës në raport me rastet është 1,6%
  • LAJMI I FUNDIT | Fico: 741 819 persona të vaksinuar me dy doza, 33% e popullsisë
  • LAJMI I FUNDIT | Bino: Mbulimi vaksinal në rritje, nuk kemi humbje të vaksinave
  • LAJMI I FUNDIT | Bino: Vaksinimi duhet të arrijë mbi 95% në të gjitha grupmoshat
  • LAJMI I FUNDIT | Kraja: 230 të shtruar në spitale, 30% e kapaciteteve ende të lira
  • LAJMI I FUNDIT | Kraja: 0,001% e rasteve në spital janë të vaksinuar
  • LAJMI I FUNDIT | Kraja: 0,0006% e viktimave nga Covid-19 janë të vaksinuar
  • LAJMI I FUNDIT | Komiteti Teknik i Ekspertëve nuk ndryshon masat anti-Covid
  • LAJMI I FUNDIT | Rakacolli: Arsimtarët e pavaksinuar, test PCR negativ çdo javë
  • LAJMI I FUNDIT | Bino: Incidenca te të vaksinuarit, 22 herë më e ulët se të pavaksinuarit