Me maska e distancë, nis festivali i filmit në Venecia

Motorët e kinemasë vihen sërish në lëvizje. Edicioni i 77 i Festivalit të filmit në Venecia, u bë i pari aktivitet i këtij lloji që çeli siparin fizikisht që prej shpërthimit të krizës së koronavirusit. Maskat dhe distanca sociale ishin lajtmotivi i tapetit të kuq të këtij viti, ndërsa Italia kërkon zbatimin e një protokolli strikt mes rritjes së rasteve me koronavirus. Cilido që vjen nga jashtë zonës Shengen do të duhet të testohet para nisjes dhe pas mbërritjes në Lido, ishulli në lagunën veneciane ku zhvillohet tradicionalisht festivali më i vjetër i filmit në botë. Pjesëmarrësve u matet temperatura e një karrige në dy, do të lihet bosh.