Presidenti Meta u paraqit para Komisionit Hetimor që kërkon shkarkimin e tij nga detyra, pas dekretit që anuloi zgjedhjet e 30 qershorit. Meta u shpreh para anëtarëve se prezenca në Komision lidhet me shembullin që Presidenti duhet të japë për bashkëpunimin institucional pasi kuvendi e ka bere gjykimin para hetimit. Kreu i Shtetit tha se vendimi për shtyrjen e zgjedhjeve erdhi pas informacioneve se në protestën e opozitës në 8 qershor persona të caktuar do tentonin të digjnin Kuvendin e Shqipërisë.