Lulzim Basha shkoi për herë të dytë brenda javës në zyrën e Ilir Metës. Madje që pa gdhirë mirë, siç thotë presidenti, i cili kërkoi këtë takim.
Nëpërmjet një statusi në “Facebook”, presidenti thotë se i kërkoi kreut të PD-së nëse ishte i hapur ndaj idesë e rikthimit të Këshillit Politik për të diskutuar çdo ndryshim tjetër në kod e kushtetutë , ndryshe nga ato të dakordësuara në 5 qershor.
“Ai më njohu me qëndrimin zyrtar të Partisë Demokratike dhe Opozitës së Bashkuar që është bërë publik dhe u është njoftuar dhe të gjithë partnerëve të shqetësuar për të ardhmen europiane të vendit tonë”, thotë Meta për takimin.
Dhe qëndrimi të cilit i referohet kreu i PD-së ishte ai i Sekretarit të Përgjithshëm të PD-së, Gazmend Bardhi, sipas të cilit çdo ndryshim duhet të kalojë në Këshill Politik.