Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Miratohet doza e tretë anti-Covid, në popullsinë mbi 60 vjeç, vaksinim i kombinuar

Nga A2 CNN
19 Tetor 2021, 14:41 | Aktualitet
Miratohet doza e tretë anti-Covid, në popullsinë mbi 60

Edhe në popullsinë shqiptare do të nisë aplikimi i dozës së tretë anti-Covid. Vendimi është marrë nga Komiteti i Imunizimit dhe Vaksinimit, për popullsinë mbi 60 vjeç. Mjekja dhe anëtarja e komitetit, Gjeorgjina Kuli, deklaron për A2 CNN se së shpejti do të nisë zbatimi në mënyrë që kategoritë e riskut të kenë mbrojtje më të mirë ndaj varianteve të Covid-19.

“Kemi vendosur që të rekomandojmë dozën e tretë për grupmoshat mbi 60 vjeç dhe për personat me sëmundje të caktuara kronike. Ne kemi rekomanduar që të dalë protokolli i gatshëm për të gjithë detajet për kontingjentet që do të bëjnë dozën e tretë, lloji i vaksinës, afatet kohore dhe kombinimet e ndryshme”.

https://a2news.com/2021/10/18/viti-i-ri-akademik-ne-rrethe-universitetet-perdorin-standarde-te-ndryshme-fokusi-te-keshillimi/

Komiteti ka dalë me rekomandimin për vaksinimin e fëmijëve mbi 12 vjeç, që kanë probleme bashkëshoqëruese. “Është hedhur ideja për vaksinimin e fëmijëve mbi 12 vjeç, por që kanë sëmundje me imunitetin, probleme kronike apo sëmundje të caktuara, për të cilët rekomandohet vaksina nga mjeku kurues”, shpjegon Kuli.

Ekspertja tregon për vaksinat që do të përdoren për dozën e tretë, ku nuk përjashtohen as kombinimet. “Kemi bërë skenarë dhe kombinacione të lejueshme. Kështu, të moshuarit që kanë marrë dy dozat Coronacav mund ta marrin dozën e tretë Pfizer ose Coronavac sërish. Ndërsa për fëmijët është lënë vaksina Pfizer, pasi deri tani studimet për këto grupmosha i kemi me këtë vaksinë”.

Mjekët dhe më të moshuarit do të jenë kategoritë e para që do të marrin dozën e tretë anti-Covid, pasi vaksinimi i tyre është bërë në muajin janar. Ndërkaq, Komiteti i Imunizimit u ka rekomanduar universiteteve të mos lejojnë në auditorë studentë të pavaksinuar, ose që nuk e kanë kryer testin e Covid-19.

https://a2news.com/2021/10/18/bino-qeteson-te-rinjte-vaksina-anti-covid-nuk-ndikon-ne-shendetin-riprodhues/

A2 CNN Livestream

Dita jonë