Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Monopatinat, mjeti lëvizës në Europë, "shpëtim" apo burim aksidentesh?

Nga A2 CNN
13 Korrik 2022, 13:02 | Aktualitet
Monopatinat, mjeti lëvizës në Europë,

Nga limitet e shpejtësisë te helmetat e detyrueshme. Si po përballen shtetet europiane, por edhe ato amerikane, me rregullat e mirëcaktuara për e-bicycle apo siç njihen ndryshe, monopatinat.

Disa i dashurojnë, të tjerë i urrejnë, por biçikletat elektronike duken se janë mjeti lëvizës, jo vetëm më në modë, por edhe më pak i kushtueshëm i momentit.

Edhe pse në Shqipëri kanë hyrë me vonesë, në Europë tregu i monopatinave, ka lulëzuar prej vitesh, duke u shndërruar në një mjet popullor, kryesisht në zonat urbane e sidomos mes të rinjve.

Vetëm për 2022, fitimet e kompanive që i prodhojnë e tregtojnë kanë kapur shifrën 651.9 milionë euro, sipas të dhënave nga Agjencia Europiane e Statistikave dhe pritet të arrijnë kulmin deri në 2026, me 55.5 milionë e-bicycle që parashikohet të dalin në rrugë deri në atë kohë.

Shihen padyshim si mënyra më e lehtë, e relativisht e përballueshme për njerëzit, për të lëvizur gjatë ditës. Por aksidentet ku përfshihen e-scooter dhe vdekjet e muajve të fundit, nuk premtojnë shumë. Ndaj dhe Komisioni Europian ka nisur punën për hartimin e udhërrëfyesit të qartë, ku do të përfshihen normat e standardizimit, së pari, nga shpejtësia me të cilën duhet udhëtuar me monopatinë.

Roma dhe Parisi janë dy kryeqytetet europiane, me përdorimin më të madh të tyre, por nga 1 janari i vitit të ardhshëm, kushdo që mund të marrë me qira apo të blejë një monopatinë, rregullat do t’i ketë të qarta: Duhet të jesh adult, në qytet nuk mund të kalosh limitin e 25 km në orë ndërsa brenda zonave të banuara, jo më shumë se 6 km në orë. Do të limitohet po ashtu edhe numri i monopatinave që do të jepen me qira.

Oslo, Helsinki dhe Stokholmi do të nisin po ashtu aplikimin e gjobave për shkelësit e rregullave, ndërsa qarkullimin mbi e-scooter në orët e natës do ta ndalojë me ligj dhe kjo sepse numri më i lartë i aksidenteve ndodh në mbrëmje.

Danimarka Spanja e Norvegjia ka shkuar edhe më tej duke e bërë të detyrueshme edhe mbajtjen e kaskave mbrojtëse për këdo që përdor një monopatinë. 

A2 CNN Livestream

Dita jonë