Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

“Moratorium gjobash 1 vit për biznesin”, Bozdo: Do të reformojmë “çerdhen” e terrorit të kësaj qeverie

Nga A2 CNN
14 Prill 2021, 19:59 | Politikë
“Moratorium gjobash 1 vit për biznesin”, Bozdo: Do të

Partia Demokratike nënshkroi marrëveshjen për “zgjimin” e ekonomisë me shoqatën e bizneseve të vogla dhe të mesme. Janë disa premtime të bëra në këtë drejtim nga Basha për të cilat dha më shumë detaje në A2 Eno Bozdo, anëtar i kryesisë së PD.

Bozdo u shpreh se me PD në pushtet, inspektime do të kryhen, por pa të drejtë gjobe, derisa të arrihet reformimi i kësaj çerdheje të pashembullt terrori dhe korrupsioni të kësaj qeverie, siç e quajti ai.

“Sot kemi nënshkruar një marrëveshje, memorandum bashkëpunimi, me shoqatën kombëtare të biznesit të vogël dhe të mesëm. Kjo është një nga marrëveshjet më të rëndësishme të nënshkruara nga PD. Ne mendojmë vetëm se një ndihmë reale ndaj biznesit do të mundësojë zhvillimin ekonomik të vendit. Në këtë marrëveshje trajtohet në tërësi e gjithë çështja dhe filozofia e PD. Biznesi i vogël dhe i mesëm do të inspektohen nga dy deri në 5 ditë në vite, jo më shumë se kaq.

Po flasim për inspektoratet dhe reformën e madhe të hartuar dhe të propozuar nga PD për sistemin e inspektimeve në Shqipëri. Janë shumë inspektorate, të cilët në 3 vitet e fundit janë kthyer në një makth të vërtetë, janë burimi numër 1 i korrupsionit të administratës publike, janë kthyer në gjobëvënës, në shkatërrues të biznesit. Ne kemi një plan të saktë, të detajuar, të hartuar më së miri për mënyrën se si këto inspektorate do të reformohen pas datës 26 prill. Kjo reformë do të shoqërohet me një moratorium të gjobave. Ne do t’i heqim inspektorëve incentivin për të inspektuar atje ku nuk ka nevojë. Inspektimet do të ndodhin vetëm në bazë të analizës së riskut. Biznesi i vogël dhe i mesëm do të marrë pullën fiskale dhe asnjë inspektor nuk do të inspektojë atje. Inspektime do të kryhen, por pa të drejtë gjobe, derisa ne të arrijmë ta reformojmë këtë çerdhe të pashembullt terrori dhe korrupsioni të kësaj qeverie. Është degjenerim i plotë se çfarë po ndodh sot me trupën e inspektorëve”, u shpreh Bozdo.  

A2 CNN Livestream

Dita jonë