Sondazh: Destinacionet e fundjavave tuaja janë:
  • Bregdeti 67%
  • Zonat malore 17%
  • Qendrat historike 17%

Mungesa e gripit sezonal, Muka: S’ka lidhje me masat e ndërmarra ndaj koronavirusit

Nga A2 CNN
25 Janar 2021, 10:51 | Aktualitet
Mungesa e gripit sezonal, Muka: S’ka lidhje me masat e ndërmarra ndaj

Epidemiologu, Taulant Muka, foli në A2 mbi situatën aktuale nga pandemia e koronavirusit. Për epidemiologun, rritja e rasteve të reja në Shqipëri ka ardhur si pasojë e shtimit të numrit të testimeve.

Këtë ide të tij, ai e mbështeti te qëndrimi thuajse i pandryshueshëm i vdekshmërisë. “Kohët e fundit, numri i testimeve është rritur në Shqipëri dhe nga ana tjetër nuk shohim një rritje të vdekshmërisë. Është e vështirë të interpretojmë të dhënat”, tha Muka.

Më tej, ai u pyet edhe për mungesën e gripit stinor gjatë kësaj periudhe, ku hodhi poshtë mundësinë që kjo të ketë ardhur si pasojë e masave ndaj koronavirusit.

“Shumë persona thonë se janë masat e ndërmarra që kanë ndikuar, por kjo nuk qëndron shumë, pasi ka shumë popullata që nuk i zbatojnë masat dhe rastet Covid janë të larta, ndërsa rastet me gripin sezonal nuk ekzistojnë. Pritet të shohim në ditët në vijim se çfarë do të ndodhë”, u shpreh Muka.

A2 CNN Livestream

Debat - nga Alba Alishani